Engadir Dicionario Galego ao Kobo

Xa que os lectores de libros electrónicos da marca Kobo non dispoñen de xeito nativo dun dicionario de galego, aquí tes

o dicionario da RAG en formato kobo (2,5Mb), válido para todos os seus lectores.

Instruccións

• descargar ao ordenador o dicionario galego-kobo.rar, ou tamén desde aquí (copia de apoio)
• conectar o lector por USB ao ordenador (facer accesible o sistema de ficheiros cando pregunta)
• como a descarga é un ficheiro tipo .rar, descomprimilo para quedar cun ficheiro tipo .zip
• copiar o ficheiro .zip que temos no ordenador ao cartafol .kobo/dict/ . Como é un cartafol oculto pode que debas facelo visible para acceder (Ctrl+h na maioría de xestores gráficos de ficheiros). Fonte das instruccións xenéricas
• reiniciar o lector de libros electrónicos

Se agora les un libro en galego podes seleccionar unha palabra e arriba á dereita (no software orixinal de kobo, con koreader, plato, etc. pode aparecer noutro lugar) podes elexir no menú despregable o dicionario que acabas de engadir.

Se utilizas KOReader o dicionario vai no cartafol dedicado aos dicionarios dentro do cartafol koreader

Fontes

• foro de lectoreselectronicos.com
• foro mobilread
• epubor.com

Anterior
• Baila, baila, baila - Haruki Murakami
Seguinte
• Reto Blogueiro

Na Categoría
• Crea Convites ao Fediverso (Mastodon)